الفصل الرابع والأربعون
وقف جلال أدام القبر بتاع ولاده ... بعد ما كل الناس مشت !
وأول ما بقى لواحده نزل يعيط على قبرهم وهو بيبكي بحرقة وصوت عالي
وهو بيسال نفسه وبيسألهم
_ ياترى أنتوا أصلا ولادي ولا لأ
مشى ايده على القبر بحب كبير وهو بيقول
_ بس أنا حاسس إني بحبكوا !
وافتكرها وهي بين الحياة والموت ووهي في عز نشاطها وحيويتها وافتكر جمالها وروحها الحلوة وطاقتها إللي بتسحره وقال بصدق وهو بيبكي زي الطفل بالظبط ووحيد أدام قبرهم
_ بحبكوا عشان أنتوا منها ، كان نفسي اشيلكم بين ايديا أوي ، مكونتش أعرف أني هبحكم كدة وأنا يدوب لمحتكم من بعيد !
حاول يهدي نفسه زيمسح دموعه ويقوم عشان محدش يشوفه ، وفجأة عينه احمرت واستوحشت وهو بيضغط على أسنانه وبيفتكر كلامهم عن خيانتها ليه
_ بس لو طلعت خانتني ، أنا مش هرحمها وهندمها على اليوم إللي اتخلقت فيه ...
وقام جلال ومشي ... وهو مستعد تماماً يرتكب جريمة لو اتاكد من شكوكه !
___
على المغرب رضا فاقت ! .. فاقت أخيراً
الممرضة قالت بفرحة وكان إللي حصل كان معجزة
_ حمدلله على سلامتك ، الحمدلله على سلامتك الحمدلله
حاولت رضا تتكلم لكنها مقدرتش وعيونها كانت تعباها بسبب النور فقفلتها تاني والممرضة خرجت تنادي على الدكتور وتقوله على الخبر دا ودخلها الدكتور وقال
_ حمدلله على سلامتك
سألت رضا بصعوبة وهي بتحاول تبلع ريقها وبتحاول تتكلم لكن صوتها خرج تعبان وهامس جدا وبصعوبة
_ أني ، أني فين ؟
رد الدكتور _ انتي في المستشفى
رضا بدأت تفوق شوية ونزلت ايديها إللي متعلق فيها كانولا ببطئ تتلمس بطنها لكنها لقتهت فاضية ونازلة وكأنها مش حامل فسألت في وهن
_ بطني راحت فين !؟
بص الدكتور للمرضة وهما الإتنين متوترين من إللي هيقوله ليها
_ انتي ولدتي !
سألت بتلقائية _ فين عيالي ؟
بصوا لبعض تاني وحاول الدكتور يبتسم وهو بيقول
_ حمدلله على سلامتك لما تبقي كويسة هنجيبهملك
ردت رضا وهي قلبها مش مرتاح وحاسة إن فيه حاجة غلط
_ أني كويسة ، فين عيالي ... ؟
تنهد الدكتور وقال بعد ما شاف إن مفيش مفر من الإجابة الأليمة
_ بقى ليكي ولاد في الجنة ! .. الحمدلله إنك فوقتي وبقيتي كويسة
_ العيال فين !! ؟؟
ردها كان كأنها مسمعتش كلمته ! ..
_ شدي حيلك يا رضا ، البقاء لله
مالت براسها للشمال شوية وكلام الدكتور مش قادرة تستوعبه ولا تفهمه ! .. بعد شوية حست بالخطر الشديد لما بدأت تفهم كلامه وهتفت فجأة وقلبها بيتنفض
_ ولادي !!!
سكتت لحظة ووشها بدأت ترتسم عليه معالم الهلع وهنا هتفت بصوت أعلى من المرة إللي قبلها
_ ولااديييييي
خرجت منها آه بصوت عالي وشفايفها بعدوا عن بعض كأنها مش قادرة تاخد نفسها من الصدمة وهنا دخلت في حالة إنكار شديدة للواقع إللي استوعبت المأساة اللي حصلتلها فيه !
_ لاء ولادي
قربت منها الممرضة تحاول تهدها وتخليها متترحكش من مكانها لأنها لسة تعبانة ولسة والدة كيسري والحركة العنيفة خطر عليها
_ عايزة أشوفهم .. أبوس إيدك عايزة أشوفهم
توسلت رضا للدكتور والممرضة مسكاها ودموعها مغرقة وشها ولكن الدكتور رد وقال
_ الولاد اندفنوا خلاص!
_ يعني إيه !؟
الدنيا كلها وقفت عند اللحظة دي وهي بتسمع إنها عمرها حتى ما هتلمحهم في حياتها ... هنا جالها حالة من الجنان وانتفضت من السرير تنزع عنها الكنولات كلها عنها بعنف وهي بتشد نفسها من السرير ورايحة عند الدكتور إللي اتفاجئ. من فعلتها
_ لااااء لاء والنبي يا دكتور خليني اشوف العيال ، طب أشم ريحتهم حتى ... عاوزة أشم ريحتهم من بعيد
دخل جلال ولقى رضا واقعة تحت رجل الدكتور والممرضة بتحاول تشيلها والدكتور بيحاول يقومها وأول ما شافته رضا جرت عليه رغم الألم الجسدي الشديد جدا إلا إن وجعها بسبب فقدانها لأطفالها كان اكتر بكتير وخلاها تنفصل عن الواقع كله
_ جلال !!!
جلال اصابته حالة ذهول من شكلها وهي شعرها منكوش ووشها كله دموع وهالات عيونها واضحة بقوة وهي بتمسك بنطلونه وبتبكي بقهر وبتتوسله
_ أبوس ايدك خليه يسيبني أشوف عيالي .. أبوس إيدك يا جلال هعيشيلك خدامة طول العمر بس خلوني اشوف عيالي ياناااس
رغم كل إللي سمعه عنها إلا إنه مقدرش يمنع نفسه من إنه ياخدها في حضنه بقوة ويصرخ فيها إنها تبطل إللي بتعمله ومقدرش يستحمل كسرتها وبكاها
_ بس .. بس خلاص ، خلاص اهدي وارجعي لعقلك
لكنها مقدرتش تهدى وعياطها ارتفع أكتر وهي بتنادي عليها فمسكها جلال من وشها بعنف عشان يثبتها ويقنعها بالواقع وزعق فيها وعيونه حمرا وهي غرقته دموع
_ اهدي .. ولادك ماتوا خلاص واندفنوا ، كل إللي بتعمليه دا مفيش منه فايدة
عيونها في عيونه ، كانت ملامحه قاسية زعلان عليها ولأنه مش هيعرف يداوي جرحها وزعلان من نفسه إنه بيشفق عليها رغم إنها خاينة وزعلان إنهم مش من نصيب بعض وهي مش قادرة لسة تصدق .. ولكن وكأن زعيقه خلاها تدرك الصورة الكاملة ... خلاص راحوا !
_ ولادي ماتوا ! ولادي ....
وصرخت رضا صرخة أم مقهورة ، صرخة عالية خرجت من جوا قلبها .. ... ودفنها جلال في حضنه ونزل معاها الأرض يضمها بقوة كبيرة وهي بتعيط ومش بتتكلم ولا بتدي فعل هي بس بتعيط بقهر كبير والممرضة واقفة حاسة بذنب رهيب أما الدكتور فكان حاسس ببرود كأن مفيش حاجة فرقاله ! ...
رضا اغمى عليها من العياط والحزن وشالها جلال جطها على السرير بحنان ورفق والممرضين رجعولها الكنولات في مكانها تاني واتطمنوا على جرح بطنها واطمئنوا على وضعها ...
أما جلال فكان واقف يشوف إللي بيحصل وهو حاسس بثقل كبير على قلبه يكاد يكون هيموته من الحزن !
____
رضا نامت والولاد من الرقاصة في الحضانة ! .. راح جلال يشوفهم من برا ازاز الحضانة وهو بيبص عليهم وبيتأملهم ! كان جمبهم ولاد رضا لكنهم للأسف ماتوا ومقدروش يعيشوا ! ...
لمس جلال الازاز وكأنه بيلمس ولاده .. حس بعاطفة غريبة جواه تجاههم لكن في نفس الوقت حس... حس إنه في مصيبة كبيرة وكارثة! بعد ما كان بطوله في الدنيا بقى عنده طفلين !
خرج جلال من عندهم وهو بيغمض عينه مش عاوز يشوفهم تاني ولا عاوز يشوف تفاصيل المستشفى وعاوز ينسى اليوم دا من حياته كلها .
وراح يتطمن على أبوه ... حس إنه محتاج أبوه في اللحظة دي ! رغم الجفاء إللي كان بينه وبين أبوه إلا إنه في الوقت الصعب دا حس إن هو الوحيد إللي هيقدر يساعده ويحميه ! ...
حاول يدخل لكنهم منعوه لأن حالة أبوه خطر لكنه قدر يرشي حد من الممرضين ، و بعد صعوبة قدر يدخل عنده بعد ما عمقوه ولبسوه اللبس المناسب
دخل جلال لقى أبوه نايم في السرير في جبس في ايده ورباط على جسمه مكان الطلقة ووشه متعور وراسه مربوطة بشاش ! .
دخل عنده وهو بيترعش من مندر أبوه ...
كان حابس دموعه أو يمكن متبقاش عنده دموع ... أول ما قعد على الأرض قصاد أبوه وسند على ركبته ومسك ايد حسين الدموع فرت من عينه وهو بيهمسله ويناديه
_ بابا !
أد إيه قلبه وطعه لما ملقاش رد ! أد إيه روحه وجعته لما افتكر إنه رفض محاولات أبوه إنه يكلمه ويسامحه !
غمض عيونه والدموع نزلت من عيونه بغزارة ومبقاش شايف منها وهو بيقول والدموع بتبل شفايفه وبيتذوق ملوحتها
_ بابا حبيبي اصحى !
ارتفع صوت بكائه لما الرد مجالوش ومازالت ملامح أبوه نايمة زي ما هي ...
شهق جلال وسط بكاءه واللي يشوف من بعيد يقول عليه طفل صغير مش حد كبير وبقى أب كمان !!
وقال جلال بصدق وقلبه بيتقطع وبصوت كله براءة وحزن حقيقي
_ على فكرة أنا بحبك ، أوعى تصدقني لما قولتلك إني بكرهك ، أنا بحبك أوي يا بابا
جلال وضعه صعب من كل جانب ! مش هارف يصدق مين ولا يكدب مين ! معقول رضا الوحيدة إللي حبها كسرت قلبه وخانته فعلاً! .. كان محتاج يحكي لأبوه ! كان محتاج مساندته ورأيه ودعمه ، ضغط على ايد أبوه وهو بيبكي أكتر
_ أنا محتاجك أوي دلوقتي !
ودموعه نزلت على ايد حسين ... وكان عنده أمل إن أبوه يصحى ويرد عليه لكن محصلش !
_ أستاذ جلال .. خلاص لو سمحت!
قالتها الممرضة برفق.. فغمض جلال عيونه وضغط عليها لعله يمنعها من زرف الدموع المؤلمة ...
ومال على ايد أبوه وباسها ... باسها بعمق وبحب وغصب عنه نزلت دموعه عليها تاني ،وقاله والغصة في صوته بتدل على مدى تعبه وشقاه
_ بابا أنا مستنيك .. أنا مسامحك على كل حاجة ومستنيك ترجعلي !
وأفلت ايد أبوه بصعوبة كأنه مش عاوز يسيبه وخرج ...
عقله هيقف من التفكير ... نفسه يروح لرضا ينام في حضنها ويحاول يصبرها على إللي حصلها وفي نفس الوقت عاوز يروح يقتلها على خيانتها ليه لكن هو لسة متأكدش ، لسة محتاج الدليل القاطع ووقتها مش هيشفق عليها أبدا وقلبه إللي لعبت بيه هيقسى عليها وهينتقم منها ...
دخل جلال عند مراة أبوه إللي كانت بقت أحسن ولكنها لسة متأثرة بجروحها سألها جلال
_ بردو مش هتقولي حاجة ؟
بصت كريمة للناحية التانية وحبست دموعها وهي بتقول
_ أنا قولت للظابط إني معرفش أي حاجة ، قولتله كل المعلومات إللي عندي
_ كنت مفكرك بتحبيه ...
قالها جلال ليها في لوم وعتاب وخلل دموع كريمة تنزل وهو بيكمل ويقول في آسف شديد
_ بس الظاهر إن مفيش ست بتعرف تحب ! أو أنا وبابا إللي ملناش حظ. ..
وقفل الباب وسابها ومشي وهي بتموت من الألم والحيرة ، هي بين خيار بين ابنها وبين جوزها ! هي لسة خاسرة طفلها إللي كان في بطنها ومش حمل خسارة تانية وكمان حبيبها وجوزها بين الحياة والموت .. موقفها كان صعب وحالتها الجسدية نفسها كانت سيئة ومكانتش حمل اي مصايب تانية لأنها فيها إللي مكفيها !
بعد مرور سبع أيام ... رضا خرجت من المستشفى أخيرا لأن حالتها صعبة والأطفال كمان كانت حالتهم صعبة جدا وكانوا لسة في الحضانة بس كانوا بيتحسنوا وخرجوا قبلها بيومين ..
رضا كانت حالتها وحشة جدا ومبتتكلمش غير في الضرورة القصوى فقط وهي أدام عينيها لحظة فقدها لأطفالها ولحظة خيانة جلال ليها !
لدرجة إنها مكانتش بتقبل تقعد مع جلال في نفس المكان ولا تقبل تشوف انجي وقعدت في اوضة لواحدها في غرفة في الجنينة ...
قعدت جمبها أم نعمات على السرير تحاول تخليها تاكل أي حاجة
_ يلا يا حبيبتي كُلي
لكن رضا مقبلتش تاكل فقالت أم نعمات بشفقة
_ مينفعش كدة يا بنتي ، كدة هتتعبي أنتي نفسه يا قلب أمك
مردتش عليهة رضا فقالت أم نعمات بأسف
_و العيال حتى يا عيني عمالين يعيطوا .. اتقهروا من العياط
هنا رضا انتبهت ! ولاد الرقاصة هما إللي عايشين واد إيه حسرتها الحقيقة دي لكنها حست إنها فجأة حنت عليهم وقالت
_ هاتيهم يامو نعمات !
بصتلها أم نعمات بتفاجئ إنها عوزاهم فأكدت رضا
_ هاتيهم !
هزت رضا راسها بهدوء وبررت كلامها
_ أني هرضعهم ... أصل صدري واجعني أوي
شفقت عليها أم نعمات وهي بتحط ايديها على شعرها
_ ياكبد أمك يابنتي ! ..
وقالت بحماس _كلي واشربي الشربة كلها دي شربة ديك بلدي ، وأني هجيب العيال واجي
هزت رضا راسها بالموافقة وقامت أم نعمات تجيب العيال ودخلت عليها بعد دقايق بيهم متلكفتين واحد على كتف ونسيمة شايلة التاني على كتفها
أول ما انفتح الباب ودخلت أم نعمات زعقت رضا بصوت عالي وملامحها اتقبلت ١٨٠ درجة للقسوة والكره وهي بتقول لنسيمة
_ متخطيش برجلك !!
اتحرجت نسيمة وحست بالذنب وبصت في الأرض ...
_ ناوليني يامو نعمات
قالت رضا لأمو نعمات وام نعمات استغربت لكنها معترضتش هي ما صدقت رضا نطقت وناولتها البنت وراحت تجيب الولد من على كتف نسيمة وقفلت في وشها الباب زي ما رضا قالت !
مسكت رضا البنت وهي قلبها برفرف وبصتلها لقتها صغيرة أوي وحلوة أوي ! .. حست إن الروح رجعتلها تاني وكأن كول ولادها هي مش ولاد سارة ... البنت كانت بتعيط أول ما رضا خدتها على صدرها وضمتها بحنان سكتت علطول وطلع منها أصوات جميلة وبريىة أوي خلت أن نعمات تستغرب وتقول
_ سبحان الله العظيم ...
والولد كان بيعيط فقالت رضا بحماس بعد ما فرحت بسكوت البنت بين ايديها
_ هاتي الواد
شالت الولد على الايد التانية وابتسامتها اترسمت على وشها باتساع والولد هو كمان سكت !! وكأنه استشعر حنان الأمومة في رضا
____
_ جلال أنت فين ؟
اتصلت انجي بجلال وكان انتشرت التليفونات النوكيا وقتها وجلال رد عليها وهو بيقول
_ أنا عند بابا !
لكنها قالت حاجة استحوذت على انتباهه
_ جلال النتيجة طلعت
سكت جلال وارتفعت انفاسه وانجي خدت نفس عميق تحاول تلملم شتات نفسها وهي بتأهله للخبر الصادم
_ أنا عوزاك تهدى !
وقالتله على النتيجة إللي خلت جسمه يتصلب ويقوم بسرعة من مكانه يركب عربيته ويتوجه للبيت !
_
____
بدأت رضا ترضع البنت وهي في حضنها والبنت مستمتعة جدا وحاسة بأمان رهيب وماسكة بايديها الصغيرة صدرها في لمسة ولحظة خلت رضا تدمع غصب عنها وقلبها يرفرف وتحس إن نفسها لو كانوا ولادها الملايكة هنا لكنها تقبلت الأمر واحتسبتهم عند الله وصبرت بس لسة جواها زعل كبير وحسرة رهيبة وألم ليس له حدود
اتأملتهم رضا وهي بتقول
_ حلوين أوي ، شبه جلال بالظبط
قالت أم نعمات_ صحيح إذا كان الواد ولا البت بس عينيهم ملونة زي ستهم
سألت رضا_ اسمهم إيه ؟
انمحت ابتسامة أم نعمات وهي بتستوعب ان جلال لسة مشالش العيال ولا لمسهم حتى ولا سماهم وقالت
_ لسة مسماهمش !
ضحكت رضا جواها بسخرية مريرة على أخلاق جلال المتدنية وقسوته ، وابتسمت بحزن وهي بتقول
_ عارفة أني كنت هسمي عيالي إيه ؟
بصتلها أم نعمات في حزن وشفقة وكملت رضا
_ يَحيّٰ .. وحياة !
بصت للبنت الصغيرة وهي على صدرها بعد ما خلصت رضاعتها ونامت في حضنها
_ كانوا هيبقوا كل حياتي ! كنت بحس وهما في بطني إني مش لواحدي ، بحس بسعادة وراحة ، حاسة إني ماليش حد من غيرهم
صعبت عليها نفسها فجأة وحست إنها صغيرة أوي على كل إللي هي عاشته دا وسألت بحال يصعب على الحجر
_هو ليه ربنا حرمني منهم يامو نعمات؟ وليه علطول بيحرمني من كل الناس إللي بحبها ، أمي وجلال وعيالي ! هو أني وحشة صحيح زي ما بيقولوا !
أم نعمات عيونها دمعت ولكنها قالت عشان تصبرها
_ استغفر الله العظيم متقوليش كدة يابنتي
رضا بدأت تشك في نفسها من إللي قالوه عليها وهي بتتكلم كأنها تاييهه أو على مشارف انهيار عصبي
_ يمكن أني عملت حجات حرام أوي عشان كدة ربنا غضبان عليا ومبيحبنيش
سكتت تبلع الغصة إللي في حلقها وهي بتقول في أسى
_ عارفة إن أني بقى عندي ١٦ سنة ! ...
طبطبت أم نعمات على كتفها وهي بتقول
_ ربنا يبارك في عمرك وبكرة تحملي تاني وتحيبي عيال زي العسل يتنططوا حواليكي
بصتلها رضا ونزلت دمعة على خدها وسكتت وهي جواها ألم كبير! محدش يعرف عن خيانة جلال ليها وإنه السبب إن عيالها يموتوا ! وحست إن مفيش أمل من إنها تعرف تفرح في حياتها تاني ...
توهت رضا ومسكت الولد عشان ترضعه .. بصلته بحنان كبير رغم إنه مش ابنها
_ يلا يا يحي بقى .. أنت عنيد زي أبوك كدة ليه مش عاوز
الولد إللي هي سمته يحي كان بيعيط ومكانش عاوز يرضع لكنها مشت ايديها على ضهره الصغيرة الرقيق عدة مرات وبدأت تقرئله سورة الفاتحة والمعوزتين .. وبعد شوية هدى وبدأ يرضع في أمان وسلام
بصتله رضا وعلى وشها شبح ابتسامة ... وفجأة استوعبت إنه مش ابنها وقالت في صوت ملئه الحزن والكره
_ أني عمري ما هسامح جلال يامو نعمات ! هو السبب ... لو آخر يوم في عمري لازم أخد حقي منه
قالت أم نعمات تدافع عن جلال
_ يابنتي ده غلبان هو كمان عياله ماتو مش أنتي لواحدك
لكن رضا كانت عارفة إللي فيها ، عارفة إن جلال هو السبب إنها تولد بدري وولادها يموتوا ! بسبب خيانته ليها وقهره وذله ! ... وطول ما هي قاعدة بقت تفتكر القصة دي وعمرها ما هتنساها
وفجأة انفتح الباب في عنف على مصرعيه وكأنه انكسر ودخل منه جلال زي الوحش الثائر وبسرعة توكه للسرير ورضا دخلت صدرها في العباية وصرخ في أم نعمات
_ شيلي العيال ..
_ في إيه يا جلال يابني !!
قالت في هلع من دخوله إللي خلى احسادهم وقلوبهم تتنفض وتترعش
_ شيلي الزفتتت
شالت أم نعمات العيال إللي اتسرعوا من الصوت والعياط بتاعهم اشتد وملى المكان كله خصوصا إنهم اتشدوا من حضن رضا في عنف لا يليق أبدا مع أي طفل مهما كان عمره
وشد رضا من شعرها إللي كانت مذعورة من شكله الغاضب وهو بيصرخ فيها وبيشدها يجرجرها مم على السرير وهي في عز تعبها وحزنها
_تعالي
_ في إيه يا جلالل !!!
_ تعالي يابنت الكلب
سألت وهي بتصرخ من الألم ومتفاجئة من إللي بيعمله ولكنه رماها على الأرض فاتهبد جنبها في الكومودينوا بعنف وطلعت منها صرخه ونزل جلال بكفه القوي على وشها خلاها تنزف من مناخيرها ورقبتها تتلوح كن قوة الكف إللي ضربه بكل قوته وغله
_ أنا تخونيني يا زبالة يا قذرة
معرفتش تحرك رقبتها وأم نعمات كانت بتعيط والعيال بتعيط ومش عارفة تعمل حاجة وهي بتقول
_ خلاص يابني أعمل معروف دي البت نفسة حرام عليك
لكنه هجم على رها تاني من شعرها وهو بيرفعها لوشه
_ انااااا يا شحاتة دا!! دا أنا لميتك من الشارع وخليتك هانم
رضا كانت في عالم تاني ورقبتها حست
إنها اتكسرت ومبقتش حاسة بوشها وبتأن من الألم بس وهو بيصرخ فيها وبيضربها الكف وراء الآخر مع كل جملة يقولها
_ دا أنتي مكونتيش تحلمي إني أبصلك ، أنا تخونيني يا وسخة يا لمامة